बीच बहस मे

"दीप जरा कय अपन साहित्यकार क़े ताकू "

"सगर राति दीप जरे" मैथिली साहित्यक परिचर्चा क' नूतन प्रयोग अछि .साहित्य सं समाज क़े बढल दूरी क़े बीच कोनो शहर में साहित्यकारक राति भरिक ई परिचर्चा कोनो आन्दोलन लाबि सकैत अछि की नहि, से कहनाय मुश्किल लेकिन अगर एहन परिचर्चा गाम- गाम में कयल जाय त' बेहतर परिणाम सोचल जा सकैत अछि .साहित्यकार पहिले राजदरबार क़े संरक्षण में अपन रचना क़े आकार दैत छलाह .बादक दौर में समाज सं भेटैत अनुराग आ सम्मान साहित्यकार क़े रचना क़े लेल उत्साहित करैत छळ .आब नहि त' सामाजिक सम्मान अछि आ नहि दरबारक संरक्षण.समाज सं रचनाकारक कोनो संवाद नहि अछि जाहिर अछि साहित्यकारक संघर्ष पहिले सं आई किछु ज्यादा अछि .अहि हालत में सगर राति दीप जरा कय साहित्य परिचर्चा क़े आयोजन कय साहित्यकार अपन रचनाशीलता क़े उर्जा बरक़रार राखैत छैथ .लेकिन लोकक संपर्क पाठक क़े संपर्क सं नितांत दूर छैथ .समाज में साहित्यकारक लोकप्रियता क' अंदाज़ा अहि सं लगायल जा सकैत अछि जे आजुक पीढ़ी क़े १० साहित्यकार क़े नाम हम गिना नहि सकैत छी ..Read More Your Feedback

मदर डे पर मोन पडलीह माय

मिथिला में बढल जानकी नवमी क़े लोकप्रियता क़े बीच मोन पडल गाम में कोनो कोन में पडल माय .मोन पडल अपन लोक अपन समाज सं तिरस्कृत मातृभाषा .मोन पडल अपन विलुप्त होयत मिथिलाक संस्कृति.मात्रिरूपक तमाम धरोहर ख़तम भय रहल अछि .माता क़े प्रति आस्था आ अनुराग क्षीण भ' रहल अछि लेकिन हम जानकी उत्सव मना रहल छी ,हम मदर डे क़े मौका पर माय क़े याद करबाक बहाना ढूंढ़ रहल छी .जानकी क़े भूमि पर आई माय आहत छैथ .धीया पुता क़े बाट जोहैत माय क़े आँख पथरा गेल अछि .बच्चा सबहक आगन क़े  ओगरबाही में माय घरक एक कोन में बैसल हर क्षण हर पदचाप पर चौकैत छैथ लेकिन दूर देस में बैसल बच्चा माय क़े बिसरी गेल छैथ .ReadMore YourFeedback

एक और सीता क' हत्या

जानकी नवमी क़े दिन जनकपुर में एक और सीता क़े हत्या कय देल गेल .मिथिला और मैथिली क़े लेल समर्पित प्रसिद्ध रंगकर्मी रंजू झा मिथिला संस्कृति आ परंपरा क़े रक्षा क़े लेल शहीद भ' गेलीह .जानकी क़े भूमि पर एक दोसर सीता क़े शहादत नेपालक जटिल सियासी कुचक्र पर केहन प्रभाव छोड़त ई कहनाई मुश्किल अछि ,लेकिन एक मिथिलानी क़े ई साहस आ त्याग कुम्भ्करनी निद्रा में सुतल मैथिल क़े जरूर झ्क्झोड़ी देलक अछि . अलग मिथिला राज्य क' मांग क़े लेल जनकपुर में  धरना पर बैसल मैथिली कला परिषद् क़े सदस्य पर मोटर साईकिल बोम्ब सं हमला कयल गेल आ रंजू झा सहित चारि कलाकार मारल गेलाह .नेपाल में राजनितिक उथल पुथल आ बंद -हड़ताल ,हिंसा क़े मौजूदा दौर में प्रथक मिथिला राज्य क़े मांग पुर्णतः अहिंसक और शांतिपूर्ण रहल अछि लेकिन अहि शांति पूर्ण प्रदर्शन पर हिंसाक हमला सत्ता आ व्यवस्था पर दर्जनों सवाल उठाबैत अछि

Read More Your Feedback